Thread: Hum bewafa hargiz na the (Hindi)
View Single Post
 
Old 20th July 2017
CYCLONE4487's Avatar
CYCLONE4487 CYCLONE4487 is offline
hum bewafa kyun hain? 💔
 
Join Date: 14th January 2012
Location: Mumbai
Posts: 4,568
Rep Power: 30 Points: 15340
CYCLONE4487 is one with the universeCYCLONE4487 is one with the universeCYCLONE4487 is one with the universeCYCLONE4487 is one with the universeCYCLONE4487 is one with the universeCYCLONE4487 is one with the universeCYCLONE4487 is one with the universeCYCLONE4487 is one with the universeCYCLONE4487 is one with the universe
Update no 71

Bechara raj pakh gaya tha unn ladkiyon ko gossip sun sunkar.. Vishu ko aate dekhkar raj ko jaan aa gayi.. Phir kya tha raj-vishu bhi ghappe maar rahe the.. Bich Bich mei koi naa koi humari lady friends vishu se baat karne lagti par raj chiddh jaata aur vishu se bich mei baat karna suru kar deta...

Issi bich 1:30 bajne wale the.. Yaani ground jaane ka waqt ho gaya tha aur humari team ke players bhi adde par aa gaye..


Abh aage,

Pritam da ka aane ka waqt ho raha tha.. Hum sab players pritam da ka wait kar rahe the.. College mei hi hum formal wear se white jersey change kar dete.. Hum sab players ko white jersey mei dekhkar aisa lag raha tha ki hum sab ne uniform pehan liya ho.. Hum sab ko do bag the , ek bag college ke bag the aur dusra cricket kit ke the..

Kirru ko ichha huyi ki humari team ki practice dekhne ki.. Kirru ne iccha jahir ki toh karishma, ishikaa aur vitika bhi ziddh par adh gaye...

Vishu ne bahut samjaya ki tum sab bore ho jaaonge, yaha tak ye bhi kaha ki itne saare sab ek saath kaise jaayenge ground par...

Kirru ne jawab dete huye kaha ki ishikaa aur karishma mere saath car mei aayenge aur vitika ne jawab diya ki woh apni scooty se aayengi..

Phir kya tha, humari lady ratan bhi humare practice dekhne ke liye aa gaye..

Aur uski waqt pritam da aa gaye.. Jaisa tai hua tha waise hi kirru ishikaa aur karishma ke saath car se aayi aur vitika apni scooty se.. aur hum baaki ke players pritam da ke saath aaye aur vishu, raj apni cycle se ground par pahuchte hain.. Aur ground par pahle se hi rishi mosjud tha..

Ground mei pahuchne par lady ratan ek side ground par hum sab ka training dekh rahe the..

Roj ki tarah pritam da ne pahle ground ke 3 round maarne ko kaha...

Pahle jo players first round mei saans fulne lagti abh usse second round mei saans fulne lagi thi yaani ki woh players ki strength badh rahi thi.. aur jo second round par halat buri hoti thi woh jaise taise karke third round par aa gaye aur third round wale players ko kuch problem nahi huyi..

Players ko aisi halat dekhkar kirru jor jorse hasne lagi.. Hasi toh hasi par ishara karke woh ek players ke upar mazak bhi udda rahi thi..

Kirru se hasne se woh players bhadak gaya aur pritam da aur vishu ko complain karne laga..

Vishu ne kirru ko bulaya, kirru aur baaki ke lady ratan vishu ke paas gaye.. Vishu ne kirru ko uss players ko maafi maagne ko kaha par kirru ne baat ko aage bada diya..

Aur iska ye natija hua ki lady ratan aur humare team ke kuch players aapas mei bhid gaye.. Vishu, raj aur pritam da ne baat ko sabhal ne ki bahut koshish ki par ek baat aage badh jaaye toh kaun peeche hata hain.

Humare team ke ek players ne kirru ko challenge de diya ki kiran agar bina ruke ground ke 3 round karne ko challege de diya woh bhi bina koi sangharsh kiye..

Kirru ne bina soche samje challenge ko haa keh di.. Kirru ne challenge accept ki aur daudh lagana suru kar diya ground par...

Saare lady ratan kirru ko support kar rahe the aur kirru ne pahla round aaram se kar diya aur jab dusra round aaya toh kirru girte girte bachhi par pair nahi rukhe aur kirru ne apne aap ko sabhalte huye bina rukhe dusri round bhi aaram se kar di aur teesri round bhi daud laga rahi thi aur aaram se teesra round bhi poora kar diya..

Kirru: Woh players ko kehne lagi , sirf body banane se koi power nahi ban jaata , body jaise bhi ho confidence hona chahiye.. Tum ladko ki team hai agar hum ladkiya chahe toh bade se bade surviyon ko bhi yu hara de . Agar yeh match ladkiyo ke liye hoti toh ek taraf tum ladke aur ek taraf hum ladki ...Aisa mukabla ho jaata toh kabhi soch bhi nahi paate..

Woh players ne kuch nahi kaha , kirru ne jo aisa jawab diya par pritam da apne aap ko rokh nahi paaye..

Pritam : Accha, toh theek hai aisa hai toh aa jao humari team ka hissa banne.. Mana ki tumare paas energy, stamina bahut hai aur cricket mei aise hi players ki jaruat hain.. Sabit karo ki tum ladki sirf bolne se nahi karne mei bhi picche nahi hatt thi?

Waha sab ek dusre ka chehra dekh rahe the.. Aur ho bhi kyu naa ho , sabko lag raha tha pritam da ne shayad mazak mei keh diya par lag nahi raha tha pritam mazak kar rahe hain..

Vishu: Pritam da, aap kya bol rahe ho, kirru humari team mei kaise aa sakti hain , woh toh ladki hain ?.

Pritam da: Manta hu ki tum kirru ko ladki ki tarah dekh rahe ho, ek team ke coach ke nazar se dekho, ek team ke players ke najar se dekho, tumhein kya lagta hai kirru ke baare mei ?, kya kirru cricket players nahi ban sakti ??..

Vishu ne pritam da ne jo kaha uske baare mei soch raha tha, players ke roop mei kirru bilkul sahi lag rahi thi par kirru thi ladki, match toh ladko ke bich tha.. aise kaise ho sakta hain..

Vishu: Pritam da, aapki baat sach hai , kirru ek perfect players ban sakti hai par woh ek ladki hai...

Pritam da : Haa woh ek ladki hain., jab kirru batting kar rahi hogi toh ho sakta hai usse 120 kph(km per hrs.) ke speed ke bowler se stroke karna padhe aur ye bhi baat sahi hai ki ladkiya jab bhi balling karegi toh balling speed 110 kph speed ke aas paas se jyaada nahi jaayegi.. Abh tum hi batao kirru , kya tum 120 kph ki balling ki speed se batting kar sakti ho ya tumhein lagta hai ki 120 kph ki speed se balling se darr jaaongi ?? ya tumhein lagta hai ladkiya fast ball nahi de sakti ??

Kirru: Kar toh hum sab kuch kar sakte hai sir, hum cricket khele ye kaise baat bole rahe ho, ye toh hum soch bhi nahi sakte.

Pritam: Sirf sochne ki baat kar rahi ho?, cricket mei ladkiya ki team bhi hoti hai aur kahi baar ladko se accha khel leti hain.. Aur khelne ki baat hai toh main hu naa , cricket kaise khela jaata hai woh main tujhe sikha dunga..

Kirru ko kuch suj hi nahi raha tha par humari lady ratan ne kirru ko haa kehne par force karne lagi..

Kirru: Okay.. Okay.. main tayar hu..

Vishu: Pritam da, kirru tayar hai , ye acchi baat hai par mujhe permission chahiye hogi cricket committee member se..

Pritam: Haa, toh permission lelo, ismein kaunsi badi baat hain..

Vishu ne rocky ko phone kiya aur ek committee meeting rakhne ko kaha par rocky ne bouncher maar diya, aaj dophar ke 5 baje committee member ki meeting hai ye baat rocky vishu ko bolne hi wala tha ki vishu ne rocky ko phone kar diya..

Vishu ne phone cut karke pritam da ko aaj 5 baje meeting ke baare mei bata diya..

Vishu: Pritam da, aap sure toh ho naa kirru ko aap humari team mei players bana chahte hain ??

Pritam: Haan.. koi shaks ..

Vishu ne naa mei jawab diya aur isse pahle kirru humari cricket team ki players bane, vishu ne woh players aur kirru ko samjane laga.

Vishu: Woh players aur humari team se, dekho ye kirru humari team mei shamil hone se pahle ek baat kehna chahta hu ki khas kare woh players ko , kirru humari team mei shamil hone jaa rahi hai , main chahta hu ki todi der pahle jo hua woh bhulkar kirru humare team mei aane ka swaagat kare aur kirru tum bhi ye baat samaj lo ki har players ki stamina alag alag hota hai iska matlab ye nahi ki tum uska mazak udda lo..

Kirru woh players ko sorry bolti hai aur woh players bhi kirru ko sorry bolta hain.

Ek team mei kisi bhi players mei misunderstanding hona ye team ke liye nukshaan sabit hota hain... Isse pahle dono players aapas mei ulaj jaaye , dono ko understanding karwana jaruri hain..

Hum team ke players ko kirru se aane koi problem nahi tha aur kirru bhi humari team mei shamil honewali hai ye baat abhi tak suspense bani huyi thi kyunki agar committee members nahi maane toh kirru ko apni team mei shamil nahi kar sakte hain.

Kirru humari team mei shamil hone jaa rahi hai toh baaki ke lady ratan kaise chup rahti, sabne pritam da ko maska laga rahe the..

Ishikaa: Pritam da, kya main bhi team mei shamil ho sakti hu ?..

Ishikaa ne darte huye pritam da se pucha..

Pritam da : haa, kyun nahi par aapko koi sports mei dilchaspi hain ya yu kahe ki aap ko kaunsi sports field pasand hai ya expert hain ??..

Ishikaa: Haan, main basketball acche se khel leti hu, mujhe basketball khelna bahut pasand hain.

Pritam: Ye toh acchi baat hain..

Ek minute, pritam da ishikaa ko cricketball deta hai aur balling karne ke liye kehta hain..

Ishikaa balling karti hai toh ball spin ho jaati hain.. Pritam da ishikaa ke balling se ishikaa ko ghurne lagtie hain..

Pritam da ko aisa ghurne se ishikaa darr jaati hain aur ishikaa ghabrate huye kehti hai,

"pritam da, maine galat kiya naa??, koi baat nahi, mujhe nahi khelna.. maine itni karab balling ki hain, mujhe cricket ke baare mein kuch nahi pata "

Pritam da thaliya bajane lage , sirf pritam da kya, gents players bhi thaliya bajane lage.

Ishikaa kafi darr gayi thi... Ishikaa ko dhimaag mei naa jaane kya kya khayal aa gaye.. Ishikaa ye tak sochne lagi ki sab log mera mazak udda rahe hain.. Ishikaa ko kya pata tha ki ishikaa ne balling bahut acchi dhali thi..

Ishikaa: Sir, koi baat nahi pritam da, maine toh aise hi keh diya.. sorry aapkaa..

Ishikaa aage kuch bol paati isse pahle pritam da bol padhe..

Pritam: Whats the ball ishikaaa, tum ek acchi bowler ban sakti ho...

Ishikaa: Kya, maine accha bowling ki sir ??

Pritam: Mindblowing tha.. bas todi technical problem thi woh practice ke dauran sahi ho jaayega.. Main toh kahuga rishi ke baad , tum acchi bowler banewali ho..

Ishikaa khush ho gayi.... Sabne ne ishikaa ki balling ki tarif karne lage.

Ishikaa ne balling acchi dhali toh karishma aur vitika bhi humare team mei khelne ki iccha jatayi..

Vishu: Aap sabka most welcome par jab tak committee member permission nahi dete.. Abhi kuch nahi kar sakte.. Ek kaam karte hai Pritam da, aap humare saath college chalo, aap meeting mei saath rahenge toh mujhe committee members se baat karna aasan hoga..

Pritam Da: Okay, Chalo phir chalte hain , aaj ki practice yaha par hi katam karte hain..

Hum sab wapas college ki aur jaane lage.. Raj aur vishu ghar jaane ke badle wapas college chale gaye, rishi apna ghar chala gaya aur baaki ke players pritam da ke saath college ke liye ravana ho gaye.. Kirru ke saath ishikaa aur karishma car se wapas college aa rahe the toh vitika ne bhi faisla kiya ki woh bhi ghar ke badle college jaayegi aur scooty se college jaa rahi thi..

Humare gents players practice ke baad college pahuchne par wapas ghar ya hostel jaate par aaj meeting hone se sab college mei rukh rahe the.

Theek 5 baje meeting suru huyi, meeting mei saare sadasya the... yaani saat members the..aprajita bhi aayi thi.. Aprajita toh nahi aanewali thi par vishu ne phone karke aprajita ko aane ko kaha.. Vishu ko aaj meeting mei aprajita ki bahut jaruat thi isliye vishu ne request karke aprajita ko bhula liya meeting mein..

Meeting mei cricket ke baare mei charcha huyi.. Do din mei 1 lakh rs dono team ko deposit karne ko kaha gaya jo cricket ke expensive ke liye le rahe the..

Dono team ne do din ke andar 1 lakh rs deposit karne ka faisla kiya..

Issi bich vishu ne lady players ko apni team ke liye join hone ke liye committee members se request ki..

Vishu ne jaise request ki waise hi vc sir hasne lage...

Vc sir: Kyu bacche, mard kam padh gaye kya, jo ladkiyon ka sahara lene lage..

Vc sir ka ulta sawal se vishu bhadak jaata hain..

Vishu: Vc sir , main apni team mei kisi se bhi join karwau ? , aapko kya matlab isse, aap ne khud kaha tha ki aap sirf apni team ko dekhenge toh mere team mei aap kyun dhakel kar rahe ho..meri team hai meri marzi, main toh request kar raha tha abh aapki bhashan sune se main abh request nahi abh maine faisla kiya hai ki abh meri apni team ko lady players bhi khelegi , chahe iske liye aapki team khele ya naa khele..

Vc Sir: Tameej se baat karo, tum ek respected committee members se baat kar rahe ho..

Vishu: Respect usse di jaaati hai jo respect karne ke layak ho..Koi request karne par ussa mazak udaye woh respected person nahi kayar kehte hain..

Vishu ko itna hi kehna tha ki , vc sir aur vishu dono aapas mei bhid gaye...

Vishu aur Vc sir ko chup na hote huye dekhkar Chancellor sir ko aage aana padha...

Chancellor Sir: I SAY SILENT BOTH OF U.. ABH TUM DONO MEI SE KOI BHI KUCH KAHEGA TOH USKE KHILAF ACTION LIYA JAAYENGA..

VC sir: Sir , isse kahii..

Chancellor: Maine kaha aap dono chup rahiye.. Jo bhi faisla lena hai voting ke through hoga.. Isliye aapas mei jhagda karne se accha jo demand hai usse bahes karke committee members ke aage rakha jaaye.. Toh kaho Mr. Vishal , aap ladkiyon ko apni team mei laana chahte hai ?..

Vishu: Yes Sir..

Chancellor: Theek hain .. Toh Vc sir, aap bataye ki vishu ke team mei ladkiyan kyun nahi khel sakti ?? Aapko kis baat par ehtraas hain ?..

Vc Sir: Woh wohhh...Sirr Sirr...

Vc sir ko iss sawal ka jawab nahi tha tabhi vc sir ke do chamche yaani vc sir ke saathi ( cashier staff aur student registrar staff) bich mei aate huye kehte hain...

Cashier Staff: Humein vishal ki team mei ladkiyon ke saath khelne mei koi problem nahi hain.. Humari team mean vc sir ki team ladko ke players hain..

Registrar Staff: Aur agar kuch ladkiyan opposition team mei khelegi toh humare team ko nukshan ho sakta hain..

Vishu: Kis baat ka nukshaan ??.. Seedhe seedhe bolo ki kya problem hain ?..

Registrar staff: Hum sab jaante hai ladkiyon ke liye cricket khelne ke rules alag hain aur ladko ke liye alag rules hain.. Ladkiyon ke cricket team mei ball ki size bhi chotti hoti hain aur humare team ke ladke woh ladkiyon wala cricket ball nahi khel sakte.. Aur sirf cricket ball hi nahi batting ka weight bhi alag hote hain aur bhi chotte motte chiz hai jo ladko aur ladkiyon ke cricket ke rules alag hain.. Baat huyi thi ladko ke bich cricket match khelna aur agar vishu ke team mei ladkiya bhi khelegi uska rules alag ho jaata hai jisse humari team yaano vc sir ki team ka performance par asar ho sakta hain.. Ye ek taraf toh cheating ki baat hain.. Aur cricket ke ithihaas mei aajtak cricket mei mixed players nahi khela gaya kyunki dono ke rules alag alag hai isliye.. Toh Boyz vs Mixed players cricket mei kaise sambhav ho sakta hain ??..

Vishu: Maine sirf apni team mei ladkiyo ko apni team mei players ke liye permission mangi hain, Naa ki koi rules change karne ki.. Jo boys wale cricket ke rules hai woh hi rules honge... Aur jab rules change hi nahi ho raha hai toh vc sir ki team ko koi pareshaani nahi honi chahiye..

Chancellor: Tum dono ne apna paksh rakha , isse pahle voting ho ki vishal ke team mei ladkiyan khel sakti hai ya nahi, aap dono party mei se kuch aur kehna hain ??

Vc sir: Haa, mujhe kehna hain.

Chancellor: bolo Vc ..

Vc sir: Agar maan liya jaaye ki Vishal ke team mei ladkiyan khel sakti hain.. toh iske liye match mei expensive badh jaayengi jaise ladies dr. ko appoint karna ya alag se dressing room ki jaruat hai aur bhi chotti motti expensive hai jo lady players ke liye alag lagte hai toh iske liye expensive kaun pay karega ??..

Vishu: Main committee members se kehna chahuga ki jo bhi humari girl players ki expensive ya kuch bhi jaruat ki chiz hai woh meri team dekh lengi.. Aap iske liye koi alag budget bana ki jaruat nahi hain.

Chancellor: Theek hain, abh vote ki pratikriya suru kar deni chahiye.. Vote ki survat ki jaaye... Voting sirf Mr. Vishal ke team mei girls khel sakti hai ya nahi sirf isliye vote hogi aur pahle jo niyam tai kiye gaye the usmein koi badlav nahi hoga..

Ballot paper se vote kiya gaya.. Aur vote ke anusar vishu ke team ko ladkiyo ko team mei khelni ki izazat mil gayi... Aur iski ke saath meeting katam huyi..

Vishu, Rocky, Pritam aur aprajita ke saath meeting se bahar aa gaye.

Todi dur saath chalne ke baad rocky waha se kahi aur chala gaya aur pritam bhi apne college ke gate ke bahar ki aur chala jaata hain.. vishu aprajita dono college ke parking area ke liye nikal rahe the ki vishu ne aprajita ko vc sir ke farmhouse mei jo sabut mile hai iske baare mei puch liya..

Aprajita: Shhh.. Ye jagah sahi nahi hai aise baaton ka... Ek kaam karo, kal tum mujhe mere office mei milne aa jaana.. Waha par hi saari baat karte hain..

Vishu: Okay...

Vishu Aprajita ko college ke parking area tak chodkar vishu wapas apne adde par aa jaata hain..

Waha adde par humari lady ratan ke saath boys player bhi mojud thi..

Sab behchaini se vishu ke jawab ka intezaar kar rahe the.. Vishu ne ye situation ko mazak karne ka mood bana liya... Mazak karte huye kehne laga aur natakiya andaaz mei ghussa hone ki natak kar raha tha..

Ishikaa: Hello Vishu, kya hua meeting mei, humein khelne ki permission toh mil gayi naa ??..

Vishu ne koi jawab nahi diya aur chehre mei jyaada ghambir hone laga..

Vishu ko jawab naa dekhkar kirru bolne lagi..

Kirru: Are, kuch bolega bhi , ye chehre par 12 kyun baj rahe hain ??..

Karishma: Vishu, kuch bolna yaar, teri ye chuppi se mujhe darr lag raha hain..

Raj: Haa vishu kuch toh bol.. kya hua meeting mei.. mujhe tumne meeting room se bahar aane tak nahi diye aur mujhe adde par rukhne ko kaha.. Kya baat huyi meeting mein ??..

Vishu ne nakli gusse mei kehte huye kaha..

Vishu : HONA KYA THA... VC SIR KE SAATH MERI JHADAP HO GAYI ISLIYE MUJHE COLLEGE SE NIKAL DIYA GAYA.. MERI ADMISSION CANCEL HO GAYI.

Vishu ne itna hi kaha tha ki waha par khamoshi cha gayi..

Kisi ko yakin nahi ho raha tha ki vishu abh college mei ex student hone jaa raha hain.

Karishma: Duffer, tu kabhi thande dimaag se kaam nahi kar sakta.. Abh main kya karugi iss college mei jo dost hi nahi hoge college mein..

Raj: Nahi..tujhe college se nikal diya gaya hai toh main bhi iss college mei nahi padhuga..

Krunal: Sab meri wajah se hua... Ye sab meri galti se hua hain..

Vishu shaanti se sabko jawab deta hain..

Vishu: Krunal tum sahi keh rahe ho.. Tumari wajah se humein sab ladh rahe hai aur hum sab aakrir tak ladna hoga..Meeting mei permission mil gayi hai ladkiyo ke saath khelna par ye baat humesa yaad rakhna maine apna admission dhav par lagaya hai..Meeting mei toh mujhe college se nahi nikal par Ye yaad rakhna ki hum sab cricket manorajan ke liye nahi khel rahe hai insaaf ke liye khel rahe hain aur humari team ki haar se meri admission toh jaayengi hi par saath mei insaaf bhi nahi milega.. Aur mujhe poori umeed hai ki mere saathi meri team mujhe haarne nahin deghi.. Aap hain naa humare saath??..

Waha sab vishu ke haa mei haa kehte hain.. "Haa , hum aapke saath hain "..

Vishu ne raj ko saari lady ratan ko form dene ko kaha...

Raj ne karishma, ishikaa, vitika, kirru ko form de diya aur sab form fill kar hi rahe the ki kajal(rocky sister) bhi aa gayi..Rocky ne kajal ko meeting ke baare mei bataya tha aur kajal bhi humari team mei khelna chahti thi isliye vishu ko form dene ko kaha... raj ne kajal ko form diya.. kajal ne bhi form fill kar diya aur iss tarah humari team mei 12 players ho gaye..

Vishal, Raj, Karishma, Vitika, Rishi, Kiran, Ishikaa, Kadir, Kajal, Vikas,Ravinder, Krunal..

Note: Aur ek update ke baad cricket match aarambh honewala hain..
______________________________
My thread : ''Hum bewafa hargiz na the" : Update no 75 [New]
"Mumbai Mahanagari" [Completed]
"Honton se chhoo lo tum, Mera geet amar kar do
Ban jaao meet mere, Meri preet amar kar do"


Reply With Quote
Have you seen the announcement yet?
Page generated in 0.01059 seconds